??الحظ و المنطق
كان في شخصين ماشين بالسيارة
واحد اسمو المنطق والثاني اسمو الحظ
بنص الطريق إنقطعوا من البنزين وبنص الصحرا
حاولوا يكملوا طريقهم مشي قبل مايجي الليل ، يمكن يلقوا مأوى
لكن دون جدوى .
فقال المنطق لـ الحظ رح نام لحد ما يطلع الصبح وبنكمل الطريق
فقرر المنطق ينام جنب شجرة
أما الحظ فقرر ينام بنص الشارع
قلو المنطق مجنون أنت بدك تروح حالك
يمكن تيجي سيارة و تلعن أفطاسك
قلو الحظ ما رح نام الا بنص الشارع يمكن تيجي سيارة تشوفنا وبعدين إلي بده يصير يصير
فعلاً نام المنطق تحت الشجرة والحظ بنص الشارع
بعد ساعة وصلت سيارة مسرعه
ولما شافت جثة بنص الشارع حاولت توقف بس ما قدرت
فأنحرفت بإتجاه الشجرة
و دعست المنطق وعاش الحظ
